तळजाई माता (तिकोणा गड)

तळजाई माता (तिकोणा गड)

मुळशीतील नवदुर्गा – तिकोणा गडावरील तळजाई माता
नमस्कार नवरात्री उत्सवाच्या निमित्ताने आपण मुळशी तालुक्यातील नवदुर्गा व त्यांची माहिती आपण जाणून घेत आहोत.
आजची आपली तिसरी दुर्गा आहे, तिकोणा गडावरील तळजाई माता.
मुळशी तालुक्यातील कोळवण खोऱ्यात हा किल्ला येतो.
पवन मावळाचा घाट रक्षक असलेला हा किल्ला.
याच किल्ल्यावरील गडदेवी तळजाई देवीची तांदळा स्वरूपातील मूर्ती असून, मूर्ती अतिशय विलोभनीय आहे.
तिकोणा गडावर तळजाई नावाच्या लेणीमध्ये देवीचे मंदिर असून लेणीमध्ये खूप सारे कोरीव काम केले आहे.
आतमध्ये विविध फुल कोरली असून त्यांवर खूप नाजूक नक्षीकाम केले आहे.
समोरच मोठा तलाव आहे.
त्यातील पाणी पिण्यासाठी योग्य आहे.
नवरात्री उत्सव काळात आजूबाजूच्या परिसरातील लोक दर्शनासाठी येत असतात.
मंदिरातील वातावरण अतिशय प्रसन्न भक्तिमय झालेले दिसते.
नवरात्रीमध्ये एकदा आवश्य भेट द्यावी असे तिकोणा गडावरील तळजाई देवी मंदिर.

धन्यवाद.
आकाश मारणे
टीम मुळशी